پاکستان کو ریڈ لسٹ میں شامل کرنے کا معاملہ،برطانوی وزیراعظم کو خط

لندن،پاکستان کو ریڈ لسٹ میں شامل کرنے کا معاملہ، برطانیہ کے 45سے زائد ارکان پارلیمنٹ نے وزیراعظم بورس جونسن کو خط لکھ ڈالا۔ ارکان پارلیمنٹ نے پاکستان کو ریڈ لسٹ میں شامل کرنے پر تشویش کا اظہار کیا ہے۔ارکان پارلیمنٹ کے مطابق برطانوی حکومتی فیصلے سے پاکستانی نژاد برطانوی باشندوں اور ان کے رشتے داروں کو دشواری کا سامنا کرنا پڑے گا۔ خط میں کہا گیا ہے کہ پاکستان میں کورونا متاثرین کی تعداد برطانیہ سے بھی کم ہے۔ برطانوی حکومت اس فیصلے پر نظر ثانی کرتے ہوئے پاکستان کا نام ریڈ لسٹ سے نکالے۔ برطانیہ کے جن ارکان پارلیمنٹ نے وزیراعظم بورس جانسن کو خط لکھے ان میں ناز شاہ، یاسمین قریشی اور رحمان چشتی نمایاں ہیں۔