سندھ میں تعلیمی اداروں کی بندش کے خلاف ریلیاں

کراچی ، تعلیمی اداروں کی بندش کیخلاف اندرونِ سندھ میں وکلا، سول سوسائٹی کے نمائندے، اساتذہ اورطلبا و طالبات کا احتجاج جاری ہے۔تفصیلات کے مطابق خیر پور میں تعلیمی اداروں کی بندش کیخلاف پریس کلب کے سامنے احتجاج کیا جارہا ہے ،احتجاج میں وکلا، سول سوسائٹی کے نمائندے، اساتذہ اور طلبا و طالبات شریک ہیں۔دوسری جانب سجاول میں تعلیمی اداروں کی بندش کے خلاف اساتذہ، والدین اور شہریوں کی جانب سے ریلی نکالی گئی۔سجاول میں اساتذہ، والدین اور شہریوں نے پبلک پارک سے پریس کلب تک ریلی نکالی۔