اسلام آباد (مانیٹرنگ ڈیسک )ڈپٹی کمشنر اسلام آباد محمد حمزہ شفقات نے اشیا خرد نوش کی قیمتوں کے معائنے کے لیے شہر کے مختلف علاقوں ، رمضان بازاروں کا دورہ کیا ،جی-7، جی-9 اور E-11 کے رمضان سستا بازاروں کا ڈی سی اسلام آباد نے اچانک دورہ کیا۔
ڈی سی اسلام آباد نے اشیا کو زائد قیمت پر فروخت کرنے پر دو دکاندار گرفتار اور پانچ دکانداروں کو وارننگ جاری کر دی گئی، تمام اسسٹنٹ کمشنرز اور مجسٹریٹس کو فیلڈ میں رہنے کی ہدایت کی گئی ۔
حمزہ شفقات نے کہا کہ کوئی بھی دکاندار اشیا مہنگی فروخت کرے گا تو اس کے خلاف قانونی کاروائی کی جائے گی، اسلام آباد انتظامیہ عوام کی خدمت کے لئے کوشاں ہے، پرائس کنٹرول کے لئے مجھ
سمیت تمام افسران فیلڈ میں موجود رہیں گے۔
