اسلام آباد (سب نیوز )چیئرمین سی ڈی اے محمد علی رندھاوا کا ممبر ایڈمن ، ممبر انجینئرنگ اور ممبر اسٹیٹ کے ہمراہ جناح سکوائر مری روڈ انڈر منصوبے کا اچانک دورہ،اس موقع پر دیگر متعلقہ افسران سمیت کنسلٹنٹس، آرکٹیکٹس اور پراجیکٹ ڈرایکٹر نے چیئرمین سی ڈی اے کو جناح سکوائر مری روڈ انڈر پاس منصوبے کے بارے میں تازہ ترین ترقیاتی کاموں کے بارے میں تفصیلی بریفننگ دی ۔بریفنگ میں بتایا گیا کہ وفاقی وزیر داخلہ سید محسن رضا نقوی کی ہدایت کے مطابق جناح سکوائر مری روڈ انڈر پاس منصوبے کا تعمیراتی کام تکمیل کے آخری مراحل کے قریب پہنچ چکا ہے۔
مجموعی طور پر جناح سکوائر مری روڈ انڈر پاس منصوبے کا اب تک 85 فیصد تعمیراتی کام مکمل کیا جاچکا ہے۔جناح سکوائر مری روڈ انڈر پاس منصوبے کے سڑیکچرل کام کی فنشنگ کا آغاز کیا جاچکا ہے جناح سکوائر انڈر پاس کی بیوٹیفکش کے لئے ہارٹیکلچر سمیت الیکٹریکل ورک کا بھی آغاز کردیا گیا ہے۔منصوبہ کے ڈرینج سسٹم، روڈ ورک کے ساتھ اسفالٹ کا کام بھی تیزی سے جاری ہے۔منصوبے کے تمام حصوں پر بیک وقت 24/7 کام کو یقینی بنا کر رفتار کو مزید تیز کیا جائیاس سلسلہ میں کوئی کوتاہی برداشت نہی جائے گی۔چیئر مین سی ڈی اے نے ہدایت کی کہ تعمیراتی کاموں کے اعلی معیار اور کوالٹی کو یقینی بنایا جائے منصوبے کے اطراف دیدہ زیب لینڈ سکیپنگ اور ماحول دوست خوبصورت پودے لگائے جائیں۔
مستقل بنیادوں پر جدید اور خوبصورت ایل ای ڈی لائٹس نصب کی جائیں۔جناح سکوائر مری روڈ انڈر پاس منصوبے کی تکمیل سے شہریوں کی سفری ضروریات کو پورا کرنے کے ساتھ ساتھ ٹریفک کو رواں دواں رکھنے اور شہریوں کو ایندھن بچانے میں بھی مدد ملے گی۔اس منصوبے کی تکمیل سے انٹرنیشنل ائیرپورٹ اسلام آباد تا مری و کشمیر تک مسافروں کو سگنل فری سفری سہولیات میسر آئیں گئی۔اسلام آباد کے روڈ انفراسٹرکچر کے حوالے سے سی ڈی اے اس منصوبہ کی بروقت تکمیل سے اہم سنگ میل عبور کرنے جارہا ہے۔
