علی امین گنڈاپور کو لینے گاڑی پہنچ گئی، مظاہرین نے کہیں بھی جانے سے روک دیا

اسلام آباد (آئی پی ایس )پاکستان تحریک انصاف کے مظاہرین نے وزیراعلی خیبرپختونخوا علی امین گنڈاپور کو احتجاج سے کہیں بھی جانے سے روک دیا۔
خیبرپختونخوا سے آنے والا پی ٹی آئی کا قافلہ سیونتھ ایوینیو پر کلثوم انٹرنیشنل اسپتال کے سامنے موجود ہے۔

وزیراعلی خیبرپختونخوا علی امین گنڈاپور کو لینے کیلئے گاڑی پہنچ گئی۔ وزیراعلی کے پی علی امین گنڈاپورکو کسی ضروری کام سے کہیں جانا ہے تاہم مظاہرین نے وزیراعلی خیبرپختونخوا کو کہیں جانے سے روک دیا۔کارکنان ڈی چوک کے نعرے لگارہے اور علی امین کو تنقید کا نشانہ بناتے ہوئے کہہ رہے ہیں کہ اس بار آپ کو بھاگنے نہیں دینگے۔