اسلام آباد (آئی پی ایس) وفاقی ترقیاتی ادارے (سی ڈی اے )نے بلڈنگ کنٹرول قوانین کی خلاف ورزی پر شہر اقتدار میں مزید 18 غیر قانونی عمارتوں کو سیل کر دیا۔
تفصیلات کے مطابق سی ڈ ی اے کی طرف سے اسلام آباد میں بلڈنگ کنٹرول قوانین کی خلاف ورزی کرنے والوں کے خلاف آپریشن جاری ہے۔ ہفتہ کو آپریشن کے دوران بلڈنگ کنٹرول سیل کی طرف سے شہر کے مختلف علاقوں میں 18 غیر قانونی عمارتوں کو سیل کر دیا گیا۔ زون ٹو جی ٹی روڈ ، سری نگر ہائی وے اور مارگلہ ویو کے علاقوں میں 10جبکہ زون فائیو میں اسلام آباد ایکسپریس وے پر 8عمارتوں کو سیل کیا گیا ۔
