اسلام آباد(آئی پی ایس )بین الاقوامی ٹریڈنگ اور فنانشل سروسز کے معروف برانڈ ڈی بی انویسٹنگ نے اپنا نیا پلیٹ فارم dbinvesting.ai متعارف کرا دیا ہے۔ یہ لانچ کمپنی کے ایک روایتی بروکریج سے ایک مکمل اے آئی فرسٹ فن ٹیک اور ٹیکنالوجی کمپنی میں تبدیل ہونے کی اسٹریٹجک پیش رفت ہے۔کمپنی کا نیا اے آئی کور انجن ٹریڈنگ، سرمایہ کاری، تعلیم، مارکیٹ انٹیلی جنس اور آپریشنز میں معاونت کے لیے تیار کیا گیا ہے۔
ڈی بی انویسٹنگ کے چیف ایگزیکٹو آفیسر جینارو لانزا نے اس موقع پر کہا، “ہم یہ نہیں سمجھتے کہ ویب سائٹ پر ایک چیٹ بوٹ لگا دینے سے کوئی کمپنی اے آئی کمپنی بن جاتی ہے۔”انہوں نے بتایا کہ کمپنی نے طویل عرصہ ایک ایسے انفراسٹرکچر کی تیاری پر صرف کیا ہے جہاں مصنوعی ذہانت کمپنی کے بنیادی ڈھانچے، اس کی مصنوعات اور صارف کے مجموعی تجربے کا لازمی حصہ بن جائے۔ان کا کہنا تھا کہ یہ نظام ہر ٹریڈر کے انفرادی رویے کا گہرا تجزیہ کرتا ہے، جس میں ٹریڈنگ ہسٹری، استعمال ہونے والے انسٹرومنٹس، ہولڈنگ کا دورانیہ، ٹریڈنگ کی فریکوئنسی، پوزیشن سائز اور کارکردگی شامل ہیں۔ اس کے ساتھ ساتھ یہ رسک لینے کے انداز، ڈرا ڈان، کنسنٹریشن، نظم و ضبط اور وقت کے ساتھ رویے میں آنے والی تبدیلیوں کو بھی پرکھتا ہے۔
جینارو لانزا کے مطابق dbinvesting.ai ایک وسیع ایکو سسٹم کی بنیاد ہے۔ ڈی بی انویسٹنگ کے روڈ میپ میں عالمی منڈیوں تک رسائی کے ساتھ Wealth Copilot ، فنانشل اسسٹنٹس، پورٹ فولیو اینالٹکس، اکانٹ کنیکٹیویٹی، ذاتی نوعیت کی تعلیم، ٹریڈنگ رویے اور رسک و مارکیٹ انٹیلی جنس جیسی سہولیات شامل ہیں۔ کمپنی کا وژن ہے کہ یہ تمام سروسز ایک ہی اے آئی کور انجن پر کام کریں گی، چاہے وہ صارفین کے لیے ہوں یا کمپنی کے اندرونی آپریشنز کے لیے۔
لانزا نے کہا، “یہ کوئی نیا فیچر نہیں جو ہم ڈی بی انویسٹنگ میں شامل کر رہے ہیں، بلکہ یہ اس بات کا آغاز ہے کہ ڈی بی انویسٹنگ دراصل ہے کیا۔ ہمارا مقصد ایک ایسا اے آئی انفراسٹرکچر بنانا ہے جو ہر ٹریڈر اور سرمایہ کار کے ساتھ کھڑا ہو، اس کے رویے کو سمجھے اور اسے وہ ذہانت فراہم کرے جس کے لیے ماضی میں کئی پلیٹ فارمز کی ضرورت پڑتی تھی۔”انہوں نے وضاحت کی کہ یہ ٹیکنالوجی صرف ڈی بی انویسٹنگ تک محدود نہیں۔ ایک لائٹ ویٹ کنیکٹر کے ذریعے اسے MetaTrader 4 اور MetaTrader 5 کے مطابق اکانٹس سے جوڑا جا سکتا ہے، بشمول وہ اکانٹس جو دوسرے بروکرز کے پاس ہیں۔ اس طرح ٹریڈرز کو یہ ٹیکنالوجی استعمال کرنے کے لیے اپنا بروکر تبدیل کرنے کی ضرورت نہیں۔ اہل صارفین کو ہر ماہ اے آئی کریڈٹس دیے جائیں گے، جبکہ ایڈوانس صارفین اپنی API کیز کے ذریعے دیگر سپورٹڈ اے آئی سروسز کو بھی کنیکٹ کر سکیں گے۔
لانزا نے بتایا کہ کمپنی چند ہفتوں میں Wealth Copilot لانچ کرنے جا رہی ہے۔ یہ 24/7 فعال رہنے والا اے آئی ایجنٹ ٹریڈنگ سرگرمی، مارکیٹ انٹیلی جنس اور پورٹ فولیو کے تناظر کو یکجا کر کے اکانٹ میں تبدیلیوں، غیر معمولی رسک، کنسنٹریشن، رسک مینجمنٹ اور رویے و کارکردگی کے پیٹرنز کی نشاندہی کرے گا۔ یہ کھلی پوزیشنز سے متعلق اہم خبروں اور ایونٹس کو بھی خود بخود سامنے لائے گا۔ انہوں نے کہا کہ اس کا مقصد ہر سرمایہ کار کے لیے معلومات کو اس طرح ترتیب دینا ہے کہ اسے مختلف پلیٹ فارمز، کیلنڈرز، خبروں اور اسٹیٹمنٹس میں الگ الگ تلاش نہ کرنا پڑے۔
اسی طرح AI Traders University ایک اے آئی مینٹور کے گرد بنائی گئی ہے جو ہر ٹریڈر کے مارکیٹ رویے کا تجزیہ کرتی ہے۔ یہ نظام عام غلطیوں جیسے دیر سے انٹری، نقصان کے بعد پوزیشن سائز بڑھانا، منافع بخش ٹریڈز کو جلد بند کر دینا، نقصان والی پوزیشنز کو دیر تک رکھے رہنا، اوور ٹریڈنگ، اتار چڑھا کے دوران غیر ضروری سرگرمی اور اپنے بنائے ہوئے رسک اصولوں کو نظرانداز کرنے جیسے پیٹرنز کی نشاندہی کرتا ہے۔ڈی بی انویسٹنگ dbinvesting.ai کے ذریعے ایسی فن ٹیک، اے آئی اور ٹریڈنگ ٹیکنالوجی تیار کر رہا ہے جو ٹریڈنگ، سرمایہ کاری، مارکیٹ انٹیلی جنس اور تعلیم کو ایک ہی پلیٹ فارم پر جوڑتی ہے۔
