لاہور (آئی پی ایس) پاکستان مسلم لیگ (ن) کے صدر محمد نواز شریف سے ازبکستان کے سفیر علی شیر تختیوف نے ملاقات کی، جس میں دو طرفہ اقتصادی تعاون کو فروغ دینے اور باہمی دلچسپی کے امور پر تبادلہ خیال کیا گیا۔
ملاقات کے دوران ازبک سفیر نے صدر مسلم لیگ ن کو ازبکستان کے صدر شوکت مرزائیوف کا خط بھی پیش کیا۔ خط میں ازبک صدر نے محمد نواز شریف کو پاکستانی عوام کے محب وطن بیٹے قرار دیتے ہوئے کہا کہ انہوں نے ملک میں عوام کے لیے شاندار ترقیاتی منصوبے شروع کیے۔
ازبک صدر نے خط میں وزیر اعلیٰ پنجاب مریم نواز شریف کے عوامی فلاحی منصوبوں کو بھی سراہا اور دونوں رہنماؤں کو ازبکستان کے دورے کی دعوت دی۔
