بارسلونا:جدہ (خالد نواز چیمہ)امیگریشن سے متعلق خبر بریک ہونے کے بعد پاکستانی قونصلیٹ بارسلونا شدید عوامی دباؤ کی زد میں آ گیا، وفاقی وزیر چوہدری سالک حسین اور اوورسیز پاکستانی فاؤنڈیشن کے بورڈ آف گورنرز سید قمر رضا شاہ کی خصوصی ہدایت اوورسیز پاکستانیز کے مسائل حل کرنا ہماری اولین ترجیح ہے قونصل جنرل مراد وزیر علی کی کوششوں کو سراہا اورکہا سپین بارسلونا میں منعقد اوورسیز پاکستانیز کے کامیاب کنونشن افواج پاکستان زندہ پروگرام سپین میں مقیم اوورسیز پاکستانیوں کی حب الوطنی کی اعلیٰ مثال ہے ایسے نازک وقت میں قونصل جنرل مراد وزیر علی ایک ملنسار، محنتی، ایماندار اور عوام دوست افسر کی حیثیت سے چٹان بن کر کھڑے ہو گئے اور اپنی ولولہ انگیز قیادت سے حالات کو قابو میں کر لیا۔
مراد وزیر علی کوئی نئے نام نہیں — وہ ایک عرصہ جدہ قونصلیٹ میں پاسپورٹ سیکشن کے سربراہ رہ چکے ہیں، جہاں سعودی عرب میں مقیم ہزاروں اوورسیز پاکستانی آج بھی ان کی شفاف خدمات، خوش اخلاقی اور مسئلہ حل کرنے والے انداز کو یاد کرتے ہیں۔ آج بھی سعودی عرب کی پاکستانی کمیونٹی ان کی خدمات کا اعتراف فخر کے ساتھ کرتی ہے۔
بارسلونا میں بھی انہوں نے صرف دفتری احکامات پر اکتفا نہیں کیا بلکہ خود فرنٹ لائن پر موجود رہے۔ دن ہو یا رات، قونصلیٹ کے ہر اہلکار کے ساتھ کندھے سے کندھا ملا کر کھڑے رہے۔ نتیجہ آج وہاں نظم و ضبط اور سکون نظر آتا ہے، اور رات کے وقت کوئی بھی شہری قونصلیٹ کے باہر لائن میں موجود نہیں تھا۔
عوامی حلقوں کا کہنا ہے کہ مراد وزیر علی نے ثابت کر دیا کہ سرکاری عہدہ اختیار نہیں بلکہ خدمت کا نام ہے۔ شہریوں نے ان کی ذاتی دلچسپی، انتھک محنت اور عوام دوست رویے کو زبردست خراجِ تحسین پیش کرتے ہوئے کہا کہ انہوں نے اوورسیز پاکستانیوں کے دل جیت لیے ہیں۔
اگرچہ آنے والے دنوں میں رش برقرار رہے گا، مگر قونصلیٹ انتظامیہ کی بروقت منصوبہ بندی اور مضبوط قیادت کے باعث حالات کافی حد تک کنٹرول میں رہیں گے۔ یہ کامیابی صرف بارسلونا قونصلیٹ کی نہیں بلکہ پوری پاکستانی سفارتی سروس کے لیے ایک روشن مثال ہے۔
اوورسیز پاکستانیوں کی جانب سے قونصل جنرل مراد وزیر علی اور ان کی جانفشاں ٹیم کو سلام پیش کیا جا رہا ہے:شکریہ مراد وزیر علی — شکریہ پاکستان۔
