ملک میں ہفتہ وار مہنگائی میں اضافہ ریکارڈ، ادارہ شماریات کی رپورٹ جاری

اسلام آباد (سب نیوز)ملک میں ہفتہ وار مہنگائی میں 0اعشاریہ07فیصد اضافہ ریکارڈ کیا گیا ہے، جس کے بعد مجموعی سالانہ مہنگائی کی شرح 3 اعشاریہ53فیصد ہو گئی ہے۔ادارہ شماریات کی رپورٹ کے مطابق گزشتہ ہفتے 16 اشیائے ضروریہ کی قیمتوں میں اضافہ ہوا، جن میں سب سے زیادہ اضافہ ٹماٹر میں دیکھا گیا جو 57 اعشاریہ03فیصد مہنگا ہوا۔
اسی طرح، لہسن اور چینی کی قیمتوں میں بالترتیب 2اعشاریہ6ایک اور 2اعشاریہ23فیصد اضافہ ریکارڈ کیا گیا جب کہ کیلے اور چائے کی قیمتیں بھی بالترتیب 0اعشاریہ72اور 0اعشاریہ59فیصد بڑھیں۔اسی دوران ، بیف، کوکنگ آئل، ایل پی جی اور جلانے والی لکڑی کی قیمتیں بھی بڑھ گئی ہیں، جس سے صارفین کی جیب پر اضافی دبا وپڑا ہے۔دوسری جانب، رپورٹ میں بتایا گیا ہے کہ 13 اشی کی قیمتیں کم ہوئیں اور 22 کی قیمتیں مستحکم رہیں۔پیاز کی قیمت میں 12اعشاریہ38فیصد اور چکن کی قیمت میں 8اعشاریہ08فیصد کمی دیکھنے میں آئی، جب کہ آلو، آٹا، انڈے، دال مونگ اور دال چنا بھی سستی ہوئی۔