اسلام آباد،عالمی مالیاتی ادارے (آئی ایم ایف)نے افغانستان سے انخلا پر کلیدی کردار ادا کرنے پر پاکستان کی تعریف کی ہے ۔ تفصیلات کے مطابق وزیر اعظم عمران خان کو منیجنگ ڈائریکٹر آئی ایم ایف کرسٹیلینا جارجیوا کی جانب سے مراسلہ بھیجا گیا جس میں افغانستان میں پاکستان کے کردار کو سراہا گیا۔کرسٹیلینا جارجیوا نے کہا کہ مشکل گھڑی میں افغانستان سے عملے کے بحفاظت انخلا پر پاکستان کے مشکور ہیں۔ ایم ڈی آئی ایم ایف نے وزیر خارجہ، وزیر خزانہ، وزیر دفاع اور گورنر اسٹیٹ بینک کے کردار کی بھی تعریف کی۔خط میں کہا گیا کہ مشکل وقت میں انخلا پر پاکستان کی کوششیں کلیدی اہمیت کی حامل ہیں۔ ایم ڈی آئی ایم ایف نے وزیر اعظم عمران خان اور پاکستانی عوام کے لیے نیک خواہشات کا اظہار کیا۔خیال رہے کہ 21 اگست کو پاکستان انٹرنیشل ایئر لائن (پی آئی اے)کی پرواز 350 افراد کو کابل سے لے کر اسلام آباد پہنچی تھی، پرواز میں آئی ایم ایف کے عملے اور ان کے اہل خانہ کے 250 افراد کے علاوہ افغانستان و دیگر ممالک کے شہری بھی شامل تھے۔
#Pakistan's efforts at the highest levels were absolutely critical to the safe and swift evacuation of IMF staff and their families from #Afghanistan.
My heartfelt thanks to @ImranKhanPTI for Pakistan's exceptional assistance in very difficult circumstances!
— Kristalina Georgieva (@KGeorgieva) August 23, 2021
