کابل ،پاکستانی سفارت خانے پرحملہ آور کی تفصیلات سب نیوز کو موصول

کابل میں گذشتہ روز پاکستانی سفارت خانے پر حملہ کرنے کی کوشش کرنے والے حملہ آور کی تفصیلات سب نیوز کو موصول،ذرائع کے مطابق حملہ آور نے پاکستانی سفارت خانے میں 100 سے زیادہ را ئونڈز فائر کیے ، حملہ آور نے پاکستانی سفارت خانے پر 7 سنائپر گولیاں چلائیں، حملہ آور ترکمان یا ازبک نسل کے نقوش کا حامل تھا، حملہ آور کے ایک ساتھی کی آج گرفتاری کی مبینہ اطلاعات ہیں، مشتبہ شخص کے بارے میں فی الحال خیال کیا جاتا ہے کہ وہ ایک کرائے کا ہٹ مین/قاتل ہے، حملہ آور نے سفارت خانے کے احاطے کے قریب ایک کمرشل عمارت کی 8ویں منزل پر ایک کمرے پر قبضہ کر رکھا تھا، حملہ آور نے اس منزل پر متعدد آئی ای ڈیز رکھے تھے، حملہ آور اس منزل سے گولیاں چلا رہا تھا، اور اس کے پاس ایک ریپلنگ سیٹ تھا، کاروائی کے دوران عمارت کے نیچے طالبان فورسز موقع پر پہنچ گئیں، بعد میں زمین پر فورسز نے مبینہ طور پر اسے گرفتار کر لیا، حملہ آور کے قبضے میں کل 3 قسم کے آتشیں اسلحے تھے، ایک ترمیم شدہ AK-47 اسالٹ رائفل، ایک لمبی رینج کی خودکار رائفل اور ایک سنائپر ہتھیار حملہ آور کے پاس موجود تھے، حملہ آور کے پاس پانچ ہینڈ گرنیڈ، ایک وائی فائی کیمرہ اور مواصلاتی آلات بھی موجود تھے، دونوں مبینہ گرفتار شدہ مشتبہ افراد اس وقت محفوظ مقام پر ہیں، ان گرفتار شدہ حملہ آوروں سے مزید پوچھ گچھ جاری ہے، کابل میں پاکستانی سفیر کے قتل کی سازش میں ایک غیر ملکی تنظیم ملوث ہو سکتی ہے ۔