اسلام آباد(مانیٹرنگ ڈیسک )تبدیلئ حکومت کی قیمت قوم پر مسلسل بھاری پڑنے لگی ،زرِ مبادلہ کے ذخائر میں کمی کا رجحان تیز ترین رفتار سے جاری ہے ،مرکزی سیکرٹری جنرل پاکستان تحریک انصاف اسدعمر نے تفصیلات سماجی میڈیا کے ذریعے عوام کے سامنے رکھ دیں ۔اسد عمر نے کہا کہ مرکزی بنک کے ذخائر میں گزشتہ ہفتے 50 کروڑ ڈالرز کی خطرناک ترین کمی آئی ہے، نجی ڈیپازٹس بھی 100 ملین ڈالرز گرے ہیں، تحریک عدمِ اعتماد سے لیکر اب تک ذخائر میں سے ساڑھے سات ارب ڈالرز ہوا ہوچکے ہیں، روپے کے اوندھے منہ گرنے کا بنیادی سبب یہی ہے۔ پی ٹی آئی رہنما کا کہنا تھا کہ سازش کے نتیجے میں حکومت کی تبدیلی کا خمیازہ دراصل عوام بھگت رہے ہیں، حکومت کی تبدیلی کو عوام سے نکلوائی جانے والی قیمت مسلسل بڑھتی جارہی ہے۔
Dangerous drop of $0.5 billion in state bank reserves last week. Another $100 million drop in private deposits. Total drop in reserves since moving of VNC is now $7.5 billion! This is why rupee is losing value rapidly. Price nation is paying for regime change keeps increasing!
— Asad Umar (@Asad_Umar) June 10, 2022
