اسلام آباد(آئی پی ایس )اپوزیشن رہنمامصطفی نواز کھوکھر کا کہنا ہے جی بی الیکشن 8 فروری کا ری پلے تھا یہ سلیکشن پراسس تھا الیکشن نہیں سسٹم کو اس نہج پر نہ لے کر جائیں کہ پورا پاکستان سسٹم کو بے معنی سمجھ لے ۔
میڈیا سے گفتگو کرتے ہوئے انہوں نے کہا بلوچستان کے نوجوان اس نظام کی وجہ سے دور ہوگئے ہیں ۔ جی بی میں ریوڑیوں کی طرح اقتدار بانٹا جائے گا ۔ ہم اس کو الیکشن نہیں سمجھتے اور نہ ہی اس کو تسلیم کرتے ہیں۔ ہمیں لیول پلیئنگ فیلڈ نہیں دیا گیا ،لوگوں کو صوبہ بدر کرتے رہے ہیں ۔ آزاد کشمیر میں تشویش ناک صورتحال ہے ، ملک کا حساس حصہ ہے ، بھارت اس موقع کا فائدہ اٹھانے کی کوشش کرے گا ۔ بانی پی ٹی آئی سمیت دیگر سیاسی اسیران کو ملنے کی اجازت نہیں دی جارہی۔
