اسلام آباد(سب نیوز)نیشنل لابنگ ڈیلیگیشن فار مائنارٹی رائٹس کے اراکین، جن میں شہریار شماس، جینیفر جگ جیون اور منوج کمار شامل تھے، نے اقلیتی پارلیمنٹرینز کے ساتھ روابط کے سلسلے میں مسٹر اصفہانیار بھنڈارا سے ملاقات کی۔این ایل ڈی، جو مختلف صوبوں سے تعلق رکھنے والے باشعور اقلیتی شہریوں کا ایک مشترکہ گروپ ہے
پاکستان کے آئین کے تحت دیے گئے مساوی شہریت کے حقوق کو مضبوط بنانے کے لیے قانون سازوں، اداروں اور سول سوسائٹی کے ساتھ مسلسل رابطے میں ہے۔وفد نے اپنا مجوزہ ذات پات پر مبنی بل پیش کیا اور اس پر مسٹر بھنڈارا کی رائے طلب کی۔انہوں نے مسٹر بھنڈارا سے درخواست کی کہ وہ اس بل کو مائنارٹی کاکس اور پھر پارلیمنٹ تک لے جانے میں اپنی حمایت فراہم کریں۔مسٹر بھنڈارا نے اس اقدام کو سراہا اور اپنے بھرپور تعاون کا اظہار کیا۔
