اسلام آباد (سب نیوز )ڈپٹی کمشنر عرفان نواز میمن کی ہدایت پر مجسٹریٹ ترنول میر یامین کی جانب سے تھانہ ترنول کی حدود سیکٹر ایف -17 ملٹی پروفیشنل کوآپریٹو ہاسنگ سوسائٹی (ایم پی سی ایچ) میں اشیا خوردونوش کی سرکاری نرخ نامے کے مطابق فروخت یقینی بنانے کے لیے مختلف مارکیٹوں میں چیک پڑتال کی گئی ۔
صدر زون کی جانب سے سبزی فروٹ تندور شاپ بیف اور چکن شاپس اور گروسری شاپڈ کی چیک پڑتال کی گئی۔سرکاری نرخ نامے سے زائد قیمت پر چکن بیف فروٹ اور سبزی فروخت کرنے والے 7 دوکانداروں کو گرفتار کر کے مزید قانونی کارروائی کے لیے تھانہ ترنول منتقل کر دیا گیا۔
شہریوں کو رمضان المبارک کے بابرکت مہینے میں سرکاری نرخ نامے کے مطابق اور وافر مقدار میں اشیا خوردونوش کی فراہمی یقینی بنانے کے لیے ضلعی انتظامیہ نے اسلام اباد کے تمام زونز میں چیک پر تال کا عمل تواتر سے شروع کر رکھا ہے ۔شہریوں نے ضلعی انتظامیہ کی کاوشوںکوسراہاہے۔
