بزنس کمیونٹی ملکی معیشت کی سب سے بڑی اسٹیک ہولڈر ہے، فیڈریشن بجٹ تیاری کیلئے بھرپور تجاویز دے گی،صدر ایف پی سی سی آئی
معاشی بحالی کے تسلسل کیلئے جامع اصلاحات متعارف ،سیاسی جماعتوں میں میثاق معیشت کیلئے بات چیت کا آغاز ہونا چاہئے،بیان
اسلام آباد : صدر ایف پی سی سی آئی عاطف اکرام شیخ نے کہا ہے کہ حکومت آئندہ مالی سال کے بجٹ کیلئے وسیع البنیاد اور بامعنی مشاورت کو یقینی بنائے ، بزنس کمیونٹی ملکی معیشت کی سب سے بڑی اسٹیک ہولڈر ہے ، حکومت کا بجٹ کی تیاری کیلئے بزنس کمیونٹی سے وسیع مشاور ت کا فیصلہ خوش آئند ہے۔
صدر ایف پی سی سی آئی عاطف اکرام شیخ نے حکومت کی جانب سے بجٹ تیاری کیلئے تجاویز طلب کئے جانے پر اپنے بیان میں کہا کہ بجٹ تجاویز کیلئے ایف پی سی سی آئی ،چیمبرز اور کاروباری تنظیموں کو بھرپور موقع فراہم کیا جائے ، پارلیمنٹ کی متعلقہ قائمہ کمیٹیاں بزنس کمیونٹی کیساتھ بجٹ کے حوالے سے خصوصی اجلاس منعقد کریں، حکومت آئندہ مالی سال کے بجٹ کیلئے وسیع البنیاد اور بامعنی مشاورت کو یقینی بنائے ، موجودہ معاشی بحالی کے اثرات کو پائیدار بنیادیں فراہم کرنے کیلئے جامع اصلاحات متعارف کروائی جائیں۔
انہوں نے کہا کہ حکومت کا بجٹ کی تیاری کیلئے بزنس کمیونٹی سے وسیع مشاور ت کا فیصلہ خوش آئند ہے، بزنس کمیونٹی ملکی معیشت کی سب سے بڑی اسٹیک ہولڈر ہے ، فیڈریشن آف پاکستان چیمبرز آف کامرس اینڈ انڈسٹری بجٹ تیاری کیلئے بھرپور تجاویز دے گی، امید ہے وفاقی حکومت ایف پی سی سی آئی اور بزنس کمیونٹی کی تجاویز کو بجٹ کا حصہ بنائے گی ،بجٹ سے قبل سیاسی جماعتوں میں چارٹر آف اکانومی کیلئے بات چیت کا آغاز ہونا چاہئے۔
