اقوام متحدہ کے اجلاس میں شرکت کیلئے نیو یارک میں موجود وزیر اعظم شہباز شریف کی سائیڈ لائن پر ملاقاتیں جاری ہیں،وزیراعظم میاں محمد شہباز شریف کی فرانس کے صدر ایمانوئیل میکرون سے ملاقات ہوئی ہے۔ اس موقع پر دو طرفہ تعلقات سمیت دیگر امور پر تبادلہ خیال کیا گیا۔ملاقات میں وزیر خارجہ بلاول بھٹو زرداری، وزیر خزانہ مفتاح اسماعیل، وزیر اطلاعات مریم اورنگزیب اور وزیرمملکت برائے خارجہ امور حنا ربانی کھر بھی شریک تھیں۔
ذرائع کے مطابق ملاقات خوشگوار ماحول میں ہوئی، توقع ہے کہ وزیراعظم شہباز شریف جلد فرانس کا دورہ کریں گے۔ واضح رہے کہ فرانسیسی صدر ایمانوئل میکرون نے سیلاب زدگان کی بحالی اور مدد کے لیے ضروری اشیا بشمول طبی ماہرین پاکستان بھجوانے کے ساتھ ساتھ مزید تعاون کی بھی یقین دہانی کرائی تھی۔وزیر اعظم کی سپین کے وزیر اعظم ،آسٹریا کے چانسلر اور ایرانی صدر سے بھی ملاقات ہوئی ہے۔
