ایشیا پیسیفک خطہ عالمی معیشت کی ترقی کا ایک اہم محرک ہے، سیکرٹری جنرل آسیان

بیجنگ :اپیک کے 33ویں غیر رسمی سربراہی اجلاس کے انعقاد سے قبل، آسیان کے سیکرٹری جنرل کاؤ کِم ہورن نے چائنا میڈیا گروپ کو خصوصی انٹرویو دیتے ہوئے کہا ہے کہ ایشیا پیسیفک خطہ عالمی معیشت کی ترقی کا ایک اہم محرک ہے۔ اس لیے ضروری ہے کہ خطے میں کھلے پن اور آزاد تجارت کے اصولوں کو برقرار رکھا جائے۔ انہوں نے کہا کہ جدت طرازی بھی انتہائی اہمیت کی حامل ہے اور اس کے ساتھ ساتھ یہ بھی دیکھنا ہوگا کہ خطے میں مشترکہ خوشحالی کیسے حاصل کی جائے اور معاشی ترقی کے ثمرات سب تک کیسے پہنچائے جائیں۔رواں سال چین اور آسیان کے درمیان مکالماتی تعلقات کے قیام کو 35 سال مکمل ہو گئے ہیں۔ اس حوالے سے سیکرٹری جنرل کاؤ کِم ہورن نے کہا کہ گزشتہ 35 برسوں کے دوران دونوں فریقوں کے تعلقات اور تعاون میں نمایاں وسعت آئی ہے، جس کی بنیاد باہمی اعتماد ہے۔ انہوں نے کہا کہ دوطرفہ تعلقات صرف حکومتی سطح تک محدود نہیں بلکہ ان میں کاروباری حلقوں اور عوام کے درمیان تبادلے بھی شامل ہیں۔ انہوں نے بتایا کہ چین مسلسل 17 برس سے آسیان کا سب سے بڑا تجارتی شراکت دار ہے۔ تجارت، سرمایہ کاری، سیاحت اور باہمی رابطوں سمیت اہم شعبوں میں دونوں فریقوں نے ایک مضبوط جامع اسٹریٹجک شراکت داری قائم کی ہے۔آسیان کے سیکرٹری جنرل نے امید ظاہر کی کہ چین عالمی امن و استحکام کے تحفظ اور خوشحالی و ترقی کے فروغ میں اہم کردار ادا کرتا رہے گا۔