اسلام آباد(سب نیوز) وزیراعظم محمد شہباز شریف نے اٹلی کی وزیراعظم جارجیا میلونی کو اٹلی کی جنگِ عظیم دوم کے بعد کی تاریخ میں مسلسل سب سے طویل عرصے تک وزارتِ عظمیٰ کے منصب پر فائز رہنے والی وزیراعظم بننے پر دلی مبارکباد پیش کی ہے۔
وزیراعظم شہباز شریف نے اپنے پیغام میں کہا کہ جارجیا میلونی کی قابل قیادت میں اٹلی نے نمایاں ترقی کی ہے اور عالمی سطح پر اس کے مقام میں بھی اضافہ ہوا ہے۔انہوں نے کہا کہ وہ پاکستان اور اٹلی کے درمیان مختلف شعبوں میں دوطرفہ تعلقات کو مزید مضبوط بنانے کے لیے وزیراعظم جارجیا میلونی کے ساتھ مل کر کام جاری رکھنے کے خواہاں ہیں۔وزیراعظم نے اطالوی ہم منصب کے لیے آئندہ برسوں میں مسلسل کامیابیوں کے لیے نیک خواہشات کا اظہار کیا۔
