اسلام آباد(سب نیوز)وزیراعظم محمد شہباز شریف نے وفاقی حکومت کے زیر انتظام ہسپتالوں اور صحت کے اداروں میں طبی سہولیات، علاج معالجے کے معیار اور خدمات کی بہتری کے لیے موثر اقدامات کی ہدایت کی ہے۔
منگل کو وزیر اعظم آفس کے میڈیاونگ سے جاری بیان کے مطابق وزیراعظم محمد شہباز شریف سے وفاقی وزیر قومی صحت سید مصطفی کمال نے ملاقات کی۔ملاقات میں وزارت قومی صحت سے متعلق امور پر بات چیت کی گئی۔وزیراعظم نے وفاقی حکومت کے زیر انتظام ہسپتالوں اور صحت کے اداروں میں طبی سہولیات، علاج معالجے کے معیار اور خدمات کی بہتری کے لیے موثر اقدامات کی ہدایت کی۔انہوں نے ملک کی مجموعی و سیاسی صورتحال پر بھی تبادلہ خیال کیا۔
