چین مساوی اور منظم عالمی نظام کی مثبت وکالت کرتا ہے، چینی صدر

بشکیک :چینی صدر شی جن پھنگ نے بشکیک میں “شنگھائی تعاون تنظیم+” کے اجلاس میں شرکت کی اور “مساوی اور منظم عالمی کثیرالقطبی نظام کی مشترکہ ترویج اور زیادہ منصفانہ اور معقول گلوبل گورننس کے حصول ” کے عنوان سے اہم خطاب کیا۔منگل کے روزشی جن پھنگ نے کہا کہ چین مساوی اور منظم عالمی کثیرالقطبی نظام کی مثبت وکالت کرتا ہے۔ عالمی معاملات میں گلوبل ساؤتھ ممالک کی نمائندگی اور آواز کو بڑھانا ضروری ہے۔انہوں نے کہا کہ تمام انسانوں کی مشترکہ اقدار کو فروغ دیا جانا چاہیئے، دوہرا معیار، استثنائی رویہ، مداخلت اور بالادستی اور جنگل کے قوانین کو ترک کیا جانا چاہیے اور بین الاقوامی تعلقات میں قانون کی حکمرانی کو فروغ دیا جانا چاہیے۔شی جن پھنگ نے شنگھائی تعاون تنظیم کے کردار کو بہتر طریقے سے ادا کرنے کے لیے تین تجاویز پیش کیں۔ پہلی، “ایس سی او کی طاقت” کے ذریعے یوریشیا کے براعظم کی خوشحالی اور مشترکہ بہبود کو فروغ دیا جائے۔ دوسری، “ایس سی او کی حکمت”کے ذریعے گلوبل ساؤتھ کی ترقی اور مضبوطی کو فروغ دیا جائے ۔ تیسری، ایس سی اوکی کارروائی” کے ذریعے عالمی حکمرانی میں اصلاحات اور بہتری کی قیادت کی جائے۔