برطانوی وزیراعظم دورہ پاکستان ختم کرنے پر اپنے کرکٹ بورڈ سے ناراض

لندن، برطانوی حکومت دورہ پاکستان منسوخ کرنے پر انگلش کرکٹ بورڈ سے ناراض ہوگئی۔
برطانوی اخبار کی رپورٹ کے مطابق برطانوی حکومت نے انگلش کرکٹ بورڈ کو دورہ جاری رکھنے کا کہا تھا جب کہ دورہ منسوخ کرنے پر برطانوی وزیراعظم اور سینئر حکام کا موقف ہے کہ پاکستان کا دورہ منسوخ کرنے کے فیصلے سے پاک برطانیہ تعلقات متاثر ہوئے ہیں۔برطانوی اخبار کی رپورٹ میں کہا گیا ہے کہ حکومتی موقف نظر انداز کرنے پر برطانوی وزرا بھی انگلش کرکٹ بورڈ پر برہم ہیں۔رپورٹ کے مطابق انگلش کرکٹ بورڈ نے پلیئرز یونین کے دبائو میں آکر دورہ منسوخ کرنے کا فیصلہ کیا کیونکہ انگلش بورڈ مختصر دورہ پاکستان کے لیے ایشز معاملے پر پلیئرز سے لڑائی نہیں چاہتا تھا۔خیال رہے کہ انگلینڈکرکٹ بورڈ نے دورہ پاکستان ختم کردیا ہے اور اپنی مینز اور ویمنز ٹیمیں پاکستان بھیجنے سے انکار کردیا ہے۔