بیجنگ : چین- امریکہ تجارتی اشتراک کے کمرشل میچ میکنگ پروگرام یعنی سی ایم پی کی 20 ویں سالگرہ کی تقریب بیجنگ میں منعقدہ ہوئی۔جمعرات کے روز چینی میڈیا کے مطابق اس تقریب کا مشترکہ انعقاد چائنا کونسل فار دی پروموشن آف انٹرنیشنل ٹریڈ، چین میں امریکی سفارت خانے اور امریکی محکمہ تجارت کی انٹرنیشنل ٹریڈ ایڈمنسٹریشن نے کیا۔
تقریب میں چین اور امریکہ کے صنعتی و تجارتی حلقوں سے تعلق رکھنے والے 250 سے زائد نمائندوں نے شرکت کی۔ چائنا کونسل فار دی پروموشن آف انٹرنیشنل ٹریڈ اور امریکی محکمہ تجارت کی انٹرنیشنل ٹریڈ ایڈمنسٹریشن نے 2005 میں چین امریکہ کمرشل میچ میکنگ پروگرام کا آغاز کیا تھا۔ گزشتہ بیس سالوں میں فریقین نے مجموعی طور پر ایک سو سے زائد کاروباری تقریبات کا انعقاد کیا ہے اور دونوں ممالک کے 3000 سے زائد کاروباری اداروں کے لیے سہولیات فراہم کی ہیں۔ یہ پروگرام دونوں ممالک کے کاروباری شعبوں میں تعاون کی علامت بن چکا ہے۔
