نائب وزیراعظم سینیٹر محمد اسحاق ڈار ، وزیر خزانہ و صدر انٹرنیشنل افیرز پاکستان مسلم لیگ (ن) سے یو اے ای اور کینیڈا کے عہدہ داران بشمول غلام مصطفی مغل چیئرمین مسلم لیگ( ن) یو اے ای
پیر عدنان بودلہ ہیڈ میڈیا مسلم لیگ( ن ) کینیڈا ،
راجہ محمد شفیق نائب صدر مسلم لیگ ن کینیڈا و دیگر اورسیز رہنماوں نے ملاقات کی جس میں ایڈیشنل سیکریڑری جنرل پاکستان مسلم لیگ( ن) انوشا رحمان نے بھی شرکت کی۔
ملاقات میں شرکاء نے نائب وزیراعظم اسحاق ڈار کو آپریشن بنیان المرصوص میں کامیابی پر مبارکباد پیش کی اور کہا کہ اوورسیز پاکستانی سبز پاسپورٹ کی عزت کو بحال کروانے میں وزیراعظم اور نائب وزیر اعظم کے مشکور ہیں۔
شرکاء نے پاکستان کی سلامتی اور بہتری کے لیئے وزیراعظم شہباز شریف اور نائب وزہراعظم کے معاشی اور سفارتی امور میں اٹھائے گئے افدامات کو سراہا۔
اس موقع پر امیدوار ایم ایل اے راجہ محمد شفیق نے آزاد کشمیر میں ترقیاتی کاموں کے حوالے سے کتاب بھی پیش کی۔
نائب وزیراعظم نے پورے وفد کا شکریہ ادا کرتے ھوئے کہا کہ اوورسیز پاکستانی ہمارا فخر اور اثاثہ ہیں اور یم ان کے مسائل کے حل کے لئیے کام کر رہے ہیں۔
دنیا کے بہت سے ممالک اس وقت پاکستان سے تجارتی اور سفارتی تعلقات بڑھانے کے لیئے کوشاں ہیں۔ 9 مئی کی شاندار جیت اللہ رب العزت کی ہم پاکستانیوں پر خاص مہربانی ہے جس کے بعد پاکستان کو دنیا میں بے بہا عزت ملی جس کا جتنا بھی شکر ادا کیا جائے کم ہے۔
