اسلام آباد(آئی پی ایس )بھارت اور یورپی یونین نے دفاع اور سلامتی کے شعبوں میں گہرے تعاون کے لیے فریم ورک پر اتفاق کرلیا۔بھاررت اور یورپی یونین کے درمیان آج بڑے تجاری معاہدے پر بھی اتفاق کیا گیا ہے جبکہ ہنر مند افراد اور طلبہ کی نقل و حرکت میں آسانی کے لیے ایک علیحدہ معاہدہ طے پایا ہے۔
یورپی یونین کی خارجہ پالیسی کی سربراہ کاجا کالاس نے کہا کہ اس معاہدے کے تحت سلامتی اور دفاع سے متعلق سالانہ ڈائیلاگ بھی عمل میں آئے گا جس کا پہلا اجلاس رواں ماہ منعقد ہوگا۔ انہوں نے کہا کہ جیسے جیسے عالمی نظام میں تبدیلی آ رہی ہے، یورپی یونین دنیا بھر میں اپنے سفارتی اور اقتصادی روابط کو مزید مضبوط کرتی رہے گی۔ مضبوط شراکت داریاں ہماری طاقت میں اضافہ کرتی ہیں۔
