لاہور(آئی پی ایس ) سینئر وزیرمریم اورنگزیب نیٹرانسپورٹرز کے اہم مطالبات مان لئے، ٹرانسپورٹرز اور حکومت کے درمیان مذاکرات کامیاب ہو گئے۔ صوبائی دارالحکومت میں ہونے والی مذاکرات میں مریم اورنگزیب نے یقین دہانی کرائی ہے کہ مزدا گاڑیوں کو15ہزارکاچالان نہیں کیاجائیگا، ڈرائیورز پر درج مقدمات واپس لئے جائیں گے، آئندہ بے جا ایف آئی آر سے گریز کیا جائے گا اور 38فٹ لمبائی کی حامل مزدا گاڑیوں کی اجازت بحال کردی گئی۔
دوسری جانب مذاکرات میں یہ بھی طے ہوا ہے کہ ٹرانسپورٹ کو انڈسٹری کا درجہ دے دیا گیا، پبلک ٹرانسپورٹ کیروٹ پرمٹ کی مدت1سیبڑھاکر2سال کردی گئی، ٹرانسپورٹ اڈوں کی فوری طور ڈویلپمنٹ ہو گی۔لاری اڈا بادامی باغ سمیت تمام بس سٹینڈز پر میں کمیونٹی سنٹرز بنائے جائیں گے، مزید معاملات کے لیے نئی کمیٹی بنا دی گئی، وزیر ٹرانسپورٹ بلال اکبر خان کمیٹی کے کنوینئر ہوں گے۔دریں اثنا مذاکرات میں مرکزی صدرگڈز ٹرانسپورٹ سمیت و دیگر عہدیداروں نے شرکت کی۔
