چوہدری شہزاد ہنجرا کی جانب سے معزز مہمانوں کے اعزاز میں پرتکلف عشائیہ ،کمیونٹی اتحاد و بھائی چارے کی شاندار مثال

جدہ(خالد نواز چیمہ)چوہدری گروپ کے سینئر وائس چیئرمین اور معروف کاروباری شخصیت چوہدری شہزاد ہنجرا کی جانب سے چیرمین بلو شیر وڑائچ گروپ، سابق مشیر وزیر اعلی پنجاب اور یارانِ جدہ گروپ کے سربراہ چوہدری اظہر عباس وڑائچ کے اعزاز میں جدہ میں ایک شاندار عشائیہ تقریب کا انعقاد کیا گیا۔
تقریب میں جدہ کے ممتاز کاروباری، سماجی اور سیاسی عمائدین کے علاوہ بیرونِ ممالک سے آئے ہوئے معزز مہمانوں اور گوجرانوالہ ڈویژن کے اوورسیز پاکستانیوں کی بڑی تعداد نے شرکت کی، جس سے پردیس میں وطن کی خوشبو اور ایک پاکستانی ماحول نمایاں طور پر جھلکتا رہا۔تقریب میں موجود نمایاں شخصیات میںچوہدری محمد افضل مبشر چیمہ، چوہدری ندیم عبداللہ آدھی، حاجی عرفان گوندل، ملک منظور حسین اعوان، جمشید جمی، حسن شہزاد ہنجرا، طاہر نصیر باگڑی، رفاقت چیمہ، اظہار خان سمیت دیگر اہم شخصیات شامل تھیں جنہوں نے مہمانوں کا پرتپاک استقبال کیا۔
تقریب کا باقاعدہ آغاز ہوا جس میں میزبان چوہدری مبشر افضل چیمہ نے شرکا کی آمد کا خصوصی شکریہ ادا کرتے ہوئے کہا کہ”چوہدری شہزاد ہنجرا نے جس خلوص اور محبت سے مہمانوں کی میزبانی کی، وہ قابل ستائش ہے۔”انہوں نے چوہدری بلو شیر وڑائچ کی سماجی خدمات کو خراجِ تحسین پیش کرتے ہوئے کہا کہ”بیرون ملک پاکستانی کمیونٹی کی ترقی، فلاح اور اتحاد کے لیے ان کا کردار انتہائی اہم اور مثالی ہے۔ اظہار خان نے اپنے خطاب میں کہا کہ جس خوبصورتی اور دل سے اس محفل کا اہتمام کیا گیا، وہ کمیونٹی دوستی اور بھائی چارے کی روشن مثال ہے۔