دبئی(سب نیوز )دبئی ائیر شو 2025 میں بھارتی طیارہ حادثے کی تحقیقات جاری ہیں، بھارتی پائلٹ کی غلطی تھی یا طیارے کی مشینی خرابی؟ فیصلہ تحقیقات کے بعد ہوگا۔اماراتی ایوی ایشن حکام اور عسکری ماہرین کی مشترکہ تحقیقات جاری ہیں۔دبئی ائیر شو کے آخری روز بھارتی تیجس طیارہ تباہ ہوگیا تھا جس کا پائلٹ بھی ہلاک ہوگیا تھا۔
1989 سے ہر دوسرے سال منعقد ہونے والے دبئی ائیرشو میں یہ پہلا مہلک حادثہ ہے۔اس حوالے سے مربوط تحقیقات کا آغاز کردیا گیا ہیکہ کیا پائلٹ نے فلائنگ پروٹوکولز کی خلاف ورزی کی ہے؟ ایوی ایشن ذرائع کے مطابق حکام نے فلائنگ رولز کی خلاف ورزی کے امکان کی تحقیقات شروع کر دی ہیں۔
دبئی ائیر شو منتظمین کے مطابق ائیر شو میں فضائی کرتب کی 300 فٹ بلندی لازمی تھی، تحقیقات کی جارہی ہیں کہ کیا بھارتی طیارہ 300 فٹ کم از کم اونچائی سے نیچے آیا تھا؟ بھارتی طیارے کا غیر منظور شدہ فضائی تکنیک کا شعبہ بھی زیر تفتیش ہے۔ بھارتی جنگی طیارے میں ممکنہ تکنیکی خرابی کی بھی جامع تحقیقات کی جارہی ہیں۔
بھارتی طیارے کا کریش، فضائی مظاہرے کے لیے مختص ڈسپلے باکس میں ہوا تھا۔ دبئی ائیر شو کا ڈسپلے باکس شائقین سے کم از کم 2کلومیٹر سے زیادہ دور ہوتا ہے۔ دبئی ائیر شو کی فلائنگ کنٹرول کمیٹی بھی تحقیقات کا حصہ ہے۔ فلائنگ کنٹرول کمیٹی منظور شدہ پروٹوکولز اور ویڈیوز کا بغور جائزہ لے رہی ہے۔
