خیبر پختونخوا حکومت کا انصاف فی میل ایجوکیشن کارڈ شروع کرنے کا فیصلہ

پشاور (آئی پی ایس )خیبر پختونخوا حکومت نے انصاف فی میل ایجوکیشن کارڈ شروع کرنے کا فیصلہ کیا ہے۔
خیبرپختونخوا کے محکمہ اعلی تعلیم نے تمام کالجز سے یتیم بچوں کی تفصیلات طلب کر لی ہیں۔ محکمہ اعلی تعلیم کے مطابق ایجوکیشن کارڈ کالجز میں داخل یتیم طالبات کو دیا جائے گا۔اس کارڈ کے ذریعے تمام یتیم طالبات کو فیس میں رعایت دی جائے گی، صوبائی حکومت کے ا س اقدام سے یتیم طالبات کو اپنی تعلیم جاری رکھنے میں مدد ملے گی۔
تمام کالج سربراہان کو متعلقہ ڈیٹا ایک ہفتے میں فراہم کرنے کی ہدایت کی گئی ہے جبکہ مراسلہ جاری کردیا گیا۔