مریم نواز مجھے بابا ڈیم پکار کر تضحیک کررہی ہیں، ثاقب نثار

لاہور : سابق چیف جسٹس آف پاکستان ثاقب نثار کا کہنا ہے کہ مریم نواز مجھے بابا ڈیم پکار کر تضحیک کررہی ہیں، میں نے انصاف کی بات کی اس لئے میرے پیچھے پڑگئے ہیں۔
سابق چیف جسٹس آف پاکستان ثاقب نثار نے نجی ٹی وی چینل سے گفتگو کرتے ہوئے کہا کہ مریم نواز کے عدلیہ مخالف بیان پر کہا کہ مریم نوازسیاسی فساداورمخصوص مقاصد حاصل کرنا چاہتی ہے، ن لیگ کے پاس سیاست چمکانے کے لیے کچھ اورنہیں اس لئے عدلیہ کوہدف بنایا۔
جسٹس ثاقب نثار کا کہنا تھا کہ ن لیگ کو امید تھی میں بطورچیف جسٹس ان سے پرانے تعلقات کا خیال رکھوں گا لیکن میں نے انصاف کی بات کی اس لئے جب ریٹائرہوا تو میرے پیچھے پڑگئے۔
مریم نواز کی جانب سے ڈیم والے بابا پکارنے پر سابق چیف جسٹس نے کہا مریم نواز اب مجھے باباڈیم پکارکرتضحیک کررہی ہیں، کسی کی اولاد جب بدتمیز ہوجائے تویہ اس کے لیے سانحہ ہے،بے ادب، بدتمیز اولاد جس کو کسی بڑے سے متعلق بات کرنے کی تمیز ہی نہیں۔
انھوں نے بتایا کہ میرے بچے ہنستے ہیں اورکہتے ہیں کہ ن لیگ نے آپ کو پھرزندہ کردیا، مریم نوازاورن لیگ کے سیاسی جھوٹ کا کیا جواب دوں۔
جسٹس ثاقب نثار کا کہنا تھا کہ اس سے پہلے ن لیگ کی مجھے بدنام کرنے کی 2 کوششیں ناکام ہوچکی ہیں، پہلی کوشش جعلی آڈیو سے ہوئی اوردوسری جج شمیم کے ذریعے کی گئی۔