جاپانی کمپنی نے انسانی دماغ کی طرح چلنے والا ٹی وی متعارف کرا دیا

ٹوکیو،جاپانی کمپنی نے انسانی دماغ کی طرح چلنے والا ٹی وی متعارف کرا دیا۔غیر ملکی خبر رساں ایجنسی کے مطابق جاپانی کمپنی نے ایک ایسا ٹی وی متعارف کرا دیا ہے جو انسانی دماغ کی طرح چلتا ہے۔ براویا ایکس آر ایل سی ڈی میں آرٹیفیشل انٹیلیجنس پراسیسر موجود ہے۔کمپنی کا کہنا ہے کہ وہ ٹی وی میں موجود پراسیسر تصاویر کو ایسے ہی پراسیس کرتا ہے جس طرح انسانی دماغ کرتا ہے۔ یہ نیا پراسیسر انسانی دماغ کو پڑھ کر ٹی وی پر تصاویر اور آواز کو ایڈجسٹ کرنے کی صلاحیت رکھتا ہے۔اس ٹی وی کا پروسیسر مناظر کو حقیقی زندگی کی طرح دکھاتا ہے۔ کمپنی کا دعوی ہے کہ یہ دنیا کا پہلا ٹی وی ہے جو دیکھنے والوں کو انوکھا تجربہ فراہم کرے گا۔جدید ٹیکنالوجی سے لیس ٹی وی 65 اور 55 انچ اسکرین کے ساتھ جلد دستیاب ہوں گے۔