اسلام آباد(ویب ڈیسک )قومی ایئر لائن (پی آئی اے)کا خصوصی طیارہ یوکرین میں پھنسے 232 پاکستانیوں کو لے کر وطن واپس پہنچ گیا۔
تفصیلات کے مطابق پی آئی اے کا خصوصی طیارے کے ذریعے یوکرین میں پھنسے 232 پاکستانی طالب علم اور شہری اسلام آباد انٹرنیشنل ایئرپورٹ پر پہنچے۔ پاکستان انٹرنیشنل ایئرلائن نے وزارتِ خارجہ اور حکومت کی ہدایت پر طیارہ علی الصبح پاکستان سے پولینڈ کے دارالحکومت وارسا روانہ کیا تھا۔پی کے 7788 نے رات 12 بجے اسلام آباد کے ہوائی اڈے پر لینڈ کیا، وطن واپس پہنچنے پر طالب علم اور پاکستانی شہری فرط جذبات پر قابو نہ رکھ سکے اور اپنی سرزمین پر قدم رکھتے ہیں ان کی آنکھیں نم ہوگئیں۔مسافروں نے وطن واپس پہنچ کر پاکستان زندہ باد اور پی آئی اے پائندہ باد کے فلک شگاف نعرے لگائے۔
A chartered PIA flight ✈ carrying students and Pakistani nationals stationed temporarily in Warsaw,Poland has arrived at Islamabad International Airport ,Foreign Secretary Sohail Mahmood received @ForeignOfficePk #UkraineRussianWar pic.twitter.com/PuxsUfWZVp
— Radio Pakistan (@RadioPakistan) March 8, 2022
مسافروں کے استقبال کے لیے پی آئی اے اور وزارت خارجہ کی حکام ائیرپورٹ پر موجود تھے۔اس سے قبل ترجمان پی آئی اے نے بتایا تھا کہ پی کے 7788 لاہور سے صبح 7 بجکر 23 منٹ پر پولینڈ کے دارالحکومت وارسا کے لیے روانہ ہوا، جو وارسا کے مقامی وقت کے مطابق صبح 10 بجے لینڈ کرے گا۔لاہور سے روانہ ہونے والا طیارہ واپسی پر 300 سے زائد پاکستانیوں کو لے کر اسلام آباد پہنچے گا۔ترجمان عبداللہ خان کا کہنا تھا کہ طیارہ وزارت خارجہ کی ایما پر روانہ کیا گیا ہے اور حکومت پاکستان کی ہدایات پر مزید پروازیں بھی چلائی جائیں گی تاکہ یوکرین میں پھنسے پاکستانیوں کو باحفاظت وطن واپس لایا جا سکے۔واضح رہے کہ روس کی جانب سے یوکرین پر حملے کے بعد بیشتر پاکستانی طلبا اور شہری یوکرین میں پھنسے ہوئے ہیں۔
Repatriated students/nationals talking to Radio Pakistan on arrival at Islamabad International Airport thanked @GovtofPakistan and @ForeignOfficePk for their evacuation efforts #Ukraine️ #RussianUkrainianWar pic.twitter.com/dCi1dgd178
— Radio Pakistan (@RadioPakistan) March 8, 2022
