اسلام آباد میں بجلی کے نئے کنکشنز کی اجازت تاریخی قدم ہے راجہ شیراز کیانی

رکن ریجنل ایڈوائزری کونسل پاکستان تحریک انصاف اسلام آباد راجہ شیراز کیانی نے کہا ہے کہ اسلام آباد کے تمام علاقوں سے بجلی کے نئے کنکشنز پر عائد پابندی کا خاتمہ بہت بڑی کامیابی ہے جس کے لیے اسلام آباد کے تینوں منتخب ارکان قومی اسمبلی مبارکباد کے مستحق ہیں انہوں نے کہا کہ وفاقی وزیر منصوبہ بندی اور سیکرٹری جنرل پاکستان تحریک انصاف اسد عمر کی سربراہی میں وزیراعظم کے معاونِ خصوصی علی نواز اعوان اور قومی اسمبلی کی قائمہ کمیٹی برائے داخلہ کے چیئرمین راجہ خرم نواز کی خصوصی کاوشوں سے آج اسلام آباد کے شہری اور دیہی علاقوں میں کہیں بھی بجلی کے نئے کنکشنز پر پابندی نہیں ہے جو ن لیگ کے دور میں رکن قومی اسمبلی طارق فضل چوہدری نے لگوائی تھی انہوں نے کہا کہ اس بات یہ اندازہ لگانا مشکل نہیں کہ کس کی ترجیحات عوام کی خدمت ہے اور کس کا مقصد محض اپنے اقتدار کو طول دینا ہے انہوں نے کہا کہ الحمدللہ پاکستان تحریک انصاف کے اسلام آباد سے ارکان قومی اسمبلی نے جتنے بھی وعدے کیے تھے تمام تر پورے ہوچکے ہیں اور عوامی خدمت کا یہ سلسلہ جاری ہے راجہ شیراز کیانی نے کہا کہ ہم نے اپوزیشن میں ہوتے ہوئے بجلی کے میٹرز پر پابندی کے لیے آواز اٹھائی اور جب اقتدار ملا تو اپنے وعدے کو وفا کرکے بھی دکھایا یہی نہیں پانی کی کمی کا مسئلہ ہو یا صحت کے مسائل یا نئی سڑکوں کی تعمیر، تحریک انصاف ہر مسئلے کے حل کی کوشش کی ہے۔