اسلام آباد(آئی پی ایس )پاکستان پیپلز پارٹی کے چیئرمین بلاول بھٹو زرداری نے جمعیت علمائے اسلام (ف) کے سربراہ مولانا فضل الرحمان کی رہائش گاہ پر ان سے ملاقات کی، جس میں ملکی سیاست سے متعلق مختلف امور پر تبادلہ خیال کیا گیا۔
ملاقات کے دوران چیئرمین پیپلز پارٹی بلاول بھٹو زرداری کے ہمراہ سابق وزیراعظم راجہ پرویز اشرف بھی موجود تھے۔جمعیت علمائے اسلام (ف) کے وفد میں انجینئر ضیا الرحمان اور مولانا اسجد محمود نے بھی ملاقات میں شرکت کی۔ذرائع کے مطابق ملاقات میں ملک کی مجموعی سیاسی صورتحال اور باہمی دلچسپی کے دیگر امور پر بھی گفتگو کی گئی۔
