بیجنگ :لاؤس پیپلز ریولوشنری پارٹی کی مرکزی کمیٹی کے جنرل سیکرٹری اور صدر تھونگلون سیسولیت نے چین کا سرکاری دورہ کیا، جسے بین الاقوامی رائے عامہ سے مثبت پذیرائی ملی۔ دورے کے دوران، دونوں رہنماؤں نے متفقہ طور پر چین-لاؤس تعلقات میں نئی پیش رفت کو فروغ دینے اور نئے دور میں چین-لاؤس ہمہ موسمی ہم نصیب معاشرے کی تعمیر پر اتفاق کیا۔ یہ نہ صرف عالمی اور علاقائی تبدیلیوں کا فطری تقاضا ہے بلکہ دونوں ممالک کی ترقیاتی ضروریات کے مطابق بھی ہے اور ان کے عوام کی توقعات پر بھی پورا اترتا ہے۔ نئے حالات میں، چین-لاؤس تعلقات میں نئی پیش رفت کو کیسے فروغ دیا جائے؟
صدر تھونگلون سیسولیت کے ساتھ مذاکرات کے دوران،صدر شی جن پھنگ نے سوشلسٹ سمت پر ثابت قدم رہنے ، باہمی فائدہ مند تعاون کی بنیاد کو مضبوط کرنے ، عوامی روایتی دوستی اور خارجہ پالیسی میں ہم آہنگی کو مستحکم کرنے کی تجویز دی۔ سیاسی باہمی اعتماد ان تعلقات کی بنیاد ہے۔ چین اور لاؤس کے درمیان اعلیٰ سطحی سیاسی باہمی اعتماد قائم کرنا نہ صرف ان کی ترقی اور احیاء کے لیے اہم ہے بلکہ عالمی سوشلسٹ کاز کی ترقی میں بھی مددگار ثابت ہو گا۔ اعلیٰ معیار کے باہمی فائدہ مند تعاون کو گہرا کرنا چین لاؤس تعلقات کی پیش رفت کے لیے ایک لازمی قدم ہے۔ “بیلٹ اینڈ روڈ انیشی ایٹیو” کے مثالی منصوبے کی حیثیت سے چین-لاؤس ریلوے چار سال سے زیادہ عرصے سے کام کر رہی ہے اور یہ باہمی تعاون اور علاقائی اقتصادی ترقی کو فروغ دینے کے لیے ایک “سنہری راہداری” بن چکی ہے۔
دونوں ممالک نے نئے دور میں ہمہ موسمی ہم نصیب معاشرے کی تعمیر پر مشترکہ بیان بھی جاری کیا ہے، جس میں اعلیٰ معیار کے باہمی فائدہ مند تعاون کے لیے عملی اقدامات شامل ہیں، جو مستقبل میں باہمی تعاون کو مزید تقویت دیں گے۔ دونوں سوشلسٹ ممالک کے طور پر، ثقافتی تبادلےاور عوام کے درمیان تعلقات کو مضبوط کریں گے اور چین-لاؤس دوستی کی عوامی بنیاد کو مزیدمستحکم کریں گے۔ چین اور لاؤس کے درمیان دو طرفہ تعلقات میں پیش رفت نہ صرف دونوں ممالک بلکہ دنیا کے لیے بھی فائدہ مند ہے۔دونوں فریقوں نے بین الاقوامی عدل و انصاف کے مشترکہ دفاع پر زور دیا، ایک مساوی اور منظم کثیر قطبی دنیا اور جامع اقتصادی عالمگیریت کی وکالت کی، اور ایک زیادہ منصفانہ اور معقول عالمی حکمرانی کے نظام کی تعمیر کو فروغ دیا، جو علاقائی اور عالمی امن و ترقی کے لیےمثبت کردار ادا کرتا ہے۔
