اسلام اباد (آئی پی ایس )اڈیالہ جیل میں قید بانی پی ٹی آئی عمران خان اور ان کی اہلیہ بشری بی بی کے درمیان ملاقات کرادی گئی۔میڈیا رپورٹس کے مطابق یہ ملاقات جیل کے کانفرنس روم میں ہوئی جو قریبا آدھے گھنٹے تک جاری رہی۔
اس دوران بشری بی بی کی آنکھ کے آپریشن اور اس کے بعد ہونے والے طبی معائنے پر گفتگو کی گئی۔میڈیا رپورٹس میں کہا گیا ہے کہ ملاقات میں عمران خان کی صحت کے معاملات بھی زیر بحث آئے، جبکہ زیر سماعت مقدمات اور اپیلوں سے متعلق امور پر بھی تبادلہ خیال کیا گیا۔ واضح رہے کہ بانی پی ٹی آئی عمران خان اور بشری بی بی اڈیالہ جیل میں قید ہیں، اور کچھ عرصے سے عمران خان کی ملاقاتیں بند ہیں۔
