جاپان کے سفیر کی جانب سے یومِ پاکستان پر خصوصی پیغام

اسلام آباد (نیوز ڈیسک): پاکستان میں جاپان کے سفیر، عزت مآب مسٹر اکاماتسو شوئیچی نے یومِ پاکستان کے موقع پر پاکستان کی قیادت اور عوام کو دلی مبارکباد پیش کی ہے۔
اپنے ویڈیو پیغام میں سفیر اکاماتسو شوئیچی نے کہا کہ “جب آپ سب تاریخی یومِ پاکستان منا رہے ہیں، میں اس بابرکت موقع پر پاکستان کی قیادت اور عوام کو دلی مبارکباد اور نیک خواہشات پیش کرتا ہوں۔”
انہوں نے مزید کہا کہ اس اہم دن پر ہمیں ایک مضبوط اور خوشحال پاکستان کے لیے مل کر کام کرنے کے عزم کی تجدید کرنی چاہیے۔ ان کا کہنا تھا کہ جاپان پاکستان کی ترقی اور خوشحالی کے سفر میں ہمیشہ اس کے ساتھ کھڑا رہے گا۔
سفیر نے پاکستان اور جاپان کے درمیان دوستانہ تعلقات کو مزید مضبوط بنانے کے عزم کا بھی اعادہ کیا۔
یومِ پاکستان مبارک ہو!
پاکستان-جاپان دوستی زندہ باد!