اسلام آباد (سب نیوز)کینیڈین سفارتی وفد کا پاسپورٹس اینڈ امیگریشن ہیڈکوارٹرز کا دورہ ،ڈی جی امیگریشن اینڈ پاسپورٹس مصطفی جمال قاضی نے وفد کا استقبال کیا،کینیڈین وفد نے نئے سٹیٹ آف دی آرٹ جدید پروڈکشن یونٹ کا وزٹ کیا،سفارتی وفد کو ای پاسپورٹس اور ایم آر پی پاسپورٹس پرنٹرز کے بارے میں بریفنگ دی گئی ۔
ڈی جی پاسپورٹس مصطفی جمال قاضی نے بتایا کہ نئی پرنٹنگ صلاحیت کے بعد پاسپورٹس کی دنیا بھر میں بروقت فراہمی جاری ہے،نئے پرنٹرز میں پاسپورٹس میں جدید سیکورٹی فیچرز بھی متعارف کروائے گئے ہیں۔ وفد کی جانب سے جدید پاسپورٹ پرنٹنگ میں سیکورٹی فیچرز میں اظہار دلچسپی، سفارتی وفد نے پاسپورٹس کی بروقت ترسیل اور بیک لاگ کے خاتمے میں ڈی جی پاسپورٹس کی خدمات کو سراہا۔
کینیڈین سفارتی وفد میں مسٹر جوشوا میلڈنبرگر اور مس روزلین لیمائر کیڈئکس شامل ،ملاقات میں دو طرفہ تعلقات اور دیگر امور پر بھی تبادلہ خیال کیا گیا،ڈی جی پاسپورٹس کی جانب سے سفارتی وفد کو اعزازی شیلڈز بھی پیش کی گئیں۔
