بانی پی ٹی آئی کی پے رول پر رہائی کی درخواست آفس اعتراضات کے ساتھ واپس

اسلام آباد (سب نیوز ) 190 ملین پا ئو نڈ کیس میں سزا یافتہ بانی پی ٹی آئی کی پے رول پر رہائی کی درخواست آفس اعتراضات کے ساتھ واپس ،رجسٹرار آفس نے اعتراضات دور کر کے درخواست دوبارہ دائر کرنے کی ہدائت کر دی رجسٹرار آفس کے مطابق پے رول پر رہائی کی درخواست متاثرہ شخص کی جانب سے خود دائر نہیں کی گئی، کسی دوسرے شخص کے لیے ایسا ریلیف کیسے مانگا جا سکتا ہے؟جس شخص کی پے رول پر رہائی مانگی جا رہی ہے اسیدرخواست میں فریق ہی نہیں بنایا گیا۔ نیب کے کیس میں سزا یافتہ مجرم کے پے رول پر رہائی کی درخواست میں نیب کو فریق ہی نہیں بنایا گیا۔درخواست میں بنائے گئے فریقین کا بھی مکمل ایڈریس درج نہیں ،وزیر اعلی کے پی علی امین گنڈا پور نے لطیف کھوسہ ایڈوکیٹ کے ذریعے بانی پی ٹی آئی کی پے رول پر رہائی کی درخواست دائر کی۔