پاک بھارت کشیدگی کے خاتمے کیلئے پرنس رحیم آغا خان کی ثالثی کی پیشکش

لزبن(سب نیوز )آغا خان پنجم پرنس رحیم نے پاک بھارت کشیدگی کیخاتمے کیلئے ثالثی کی پیشکش کردی۔غیر ملکی خبر رساں ایجنسی کے مطابق دونوں ممالک کے درمیان کشیدگی کے خاتمے کیلئے پرنس رحیم آغا خان نے پاکستان اوربھارت کے وزرائیاعظم کو ثالثی سے متعلق خطوط لکھ دیے۔دوسری جانب پرنس رحیم نے سیکرٹری جنرل اقوام متحدہ کو بھی اس معاملے میں کردارادا کرنے کیلئے خط لکھا ہے۔پرنس رحیم آغا خان کے خط میں کہا گیا ہے کہ بڑھتی ہوئی پاک بھارت کشیدگی پر شدید تشویش ہے، دعاہے کہ مسئلہ پر امن طور پر حل ہواورمزید جانی نقصان نہ ہو۔ یاد رہے کہ آغا خان چہارم پرنس کریم آغا خان مرحوم نے بھی پچھلے پاک بھارت تنازع میں ثالث کا کردارادا کیا تھا۔