لاہور (سب نیوز) پاکستان مرکزی مسلم لیگ کے صدر خالد مسعود سندھو نے بھارت کے حالیہ حملے کی شدید الفاظ میں مذمت کرتے ہوئے کہا ہے کہ بھارت نے رات کی تاریکی میں پاکستان کی سویلین آبادی اور مساجد کو نشانہ بنا کر بزدلی کا مظاہرہ کیا ہے۔
خالد مسعود سندھو نے بھارت کے فضائی حملے پر ردعمل دیتے ہوئے کہا کہ بھارت نے اپنے جنگی جنون کے تحت یہ حملہ کیا ہے لیکن پاکستان کی مسلح افواج دشمن کو منہ توڑ جواب دے رہی ہیں۔ انہوں نے مزید کہا کہ پاکستان کی چوبیس کروڑ عوام اپنی بہادر افواج کے شانہ بشانہ کھڑی ہیں اور وطن کے دفاع کے لیے ہر قربانی دینے کو تیار ہیں
