بھارتی صحافی نے مودی کے جھوٹے پروپیگنڈے کا پول کھول دیا

نئی دہلی (سب نیوز)بھارت کی معروف رپورٹر ارچنا تیواری نے اپنی تحقیقاتی رپورٹنگ کے ذریعے بھارتی میڈیا کی جانب سے پھیلائے گئے جھوٹے پروپیگنڈے کو بے نقاب کر دیا ہے۔ کشمیر کے دورے کے دوران انہوں نے ایک مقامی کشمیری ڈرائیور سے کی گئی گفتگو ریکارڈ کی، جس میں کئی چونکا دینے والے انکشافات سامنے آئے۔
بھارتی صحافی نے کشمیری ڈرائیور سے سوال کیا کہ 6دن کے شادی شدہ جوڑے پرحملہ کیا جھوٹ تھا؟ جس پر ڈرائیور نے جواب دیا کہ بھارتی چینلزجھوٹاپروپیگنڈا پھیلانے میں مصروف ہیں، ڈرائیور نے انکشاف کیا کہ یہ سب جھوٹ ہے کیونکہ لڑکا زندہ ہے، اس نے کہا کہ بھارت میں سب جھوٹ پھیلایا جا رہا ہے۔صحافی کے اس سوال پر کہ کیا بیوہ کا بیان اوربچے کی ویڈیو جھوٹ ہے؟ تو کشمیر ڈرائیور نے جواب دیا کہ ہاں یہ سب ایک سیاسی کھیل ہے، 10کلومیٹردورسیکوئی مذہب کیسے پوچھ سکتا ہے۔
اس نے کہا کہ کشمیریوں کا قتل عام ترک نہ ہوا توعوام بھی ہتھیار اٹھالے گئی، بھارتی رپورٹر ارچنا تیواری نے پوچھا یہ باتیں سب مودی کا ڈرامہ ہیں؟اس پر اس نے کہا کہ پورے بھارت نے کشمیر کو داپر لگا دیا، پاکستان تو جنگ کے لیے تیار ہے، جنگ چھڑتے ہی بھاگنے والوں میں سب سے آگے مودی اسکی ٹیم ہوگی۔کشمیر ڈرائیور نے مزید کہا کہ بھارتی جان جائیں گے مودی سرکار پر بھروسہ کر کے غلطی کی ہے۔
ایک سیاسی تجزیہ کار کے مطابق بھارتی میڈیا کا بیانیہ زمینی حقائق سے یکسر مختلف ہے، ارچنا تیواری کا سچ ثبوت ہے۔سیاسی تجریہ کار نے کہا کہ پہلگام فالس فلیگ آپریشن صرف ایک پروپیگنڈا ہے، کشمیری ڈرائیور کی گفتگو مودی سرکار کے ظلم و ستم کی عکاسی کرتی ہے۔