Wednesday, February 19, 2025
ہومبریکنگ نیوزسپیکر قومی اسمبلی اور سیکرٹری کو آگاہ کردیا، کل میٹنگ میں نہیں بیٹھیں گے: بیرسٹر گوہر

سپیکر قومی اسمبلی اور سیکرٹری کو آگاہ کردیا، کل میٹنگ میں نہیں بیٹھیں گے: بیرسٹر گوہر

اسلام آباد(آئی پی ایس )چیئرمین پاکستان تحریک انصاف بیرسٹر گوہر نے کہا ہے کہ سپیکر قومی اسمبلی اور سیکرٹری کو آگاہ کردیا کہ کل کی میٹنگ میں نہیں بیٹھیں گے۔علی محمد خان،اسدقیصر و دیگر کے ہمراہ خیبر پختونخوا میں بیرسٹر گوہر نے میڈیا سے گفتگو کرتے ہوئے کہنا تھا کہ ہم مذاکرات سے سیاسی مسائل کا حل نکالیں گے، مذاکرات کے حوالے سیہم نے 7 دن کا وقت دیا تھا۔

ان کا کہنا تھا کہ ہم کل کی میٹنگ میں نہیں بیٹھیں گے،سیکرٹری اور سپیکر کو آگاہ کردیا ہے۔چیئرمین تحریک انصاف نے کہا کہ پیکا ایکٹ کا قانون متعلقہ کمیٹی کو بھجوایا جاتا ہے،یہ حکومت جب سے آئی جلد بازی میں قانون پاس کروا رہے ہیں، پیکا ایکٹ کے تحت جس کو بھی چاہے فیک نیوز کے زمرے میں اٹھا لیں گے، ہم میڈیا کے جائز حقوق کے ساتھ کھڑے ہیں۔

بیرسٹر گوہر کا کہنا تھا کہ میڈیا ریاست کا چوتھا ستون ہے، اس میڈیا سے ہمیں مسائل کے بارے پتہ لگتا ہے،حکمران آج میڈیا کی آواز دبانے کی کوشش کررہے ہیں، اگر یہ قانون پاس بھی ہوجاتا تب بھی اس کو عدالت میں چیلنج کریں گے۔ انہوں نے کہا کہ امید ہے عدلیہ اس کو سنے گی، کرم کے مسئلے پر تمام سیاسی جماعتیں ایک پلیٹ فارم پر آگئی ہیں، آج کانفرنس میں بیس سے زائد جماعتوں نے شرکت کی، ہم ایک جامعہ لائح عمل بنارہے ہیں جبکہ سینیٹر فیصل سلیم کوپارٹی ڈسپلن کی خلاف ورزی پر ہم نے شوکاز نوٹس جاری کردیا ہے۔

روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔