اسلام آباد (ارمان یوسف )ڈاکٹر غلام محمد علی کو چیئرمین پی اے آر سی کے عہدے سے ہٹانے کا معاملہ ، گریڈ 20کے سنیئر افسر ڈاکٹر خالد کو چیئرمین پی اے آر سی کا عبوری چارج ملنے کا امکان ہے ۔
تفصیلات کے مطابق اسلام آباد ہائیکورٹ کے جسٹس بابر ستار کی طرف سے خلاف ضابطہ تقرری و توسیع کیس میں ڈاکٹر غلام محمد علی کو چیئرمین پی اے آر سی کے عہدے سے ہٹانے کے حکم کے بعد گریڈ 20کے سنیئر افسر ڈاکٹر خالد کوتین ماہ کیلئے چیئرمین پی اے آر سی کے عہدے کا عبوری چارج ملنے کا امکان ہے ۔ ڈاکٹر خالد اس وقت پاکستان زرعی تحقیقاتی کونسل میں سنیئر ڈائریکٹر ایس ایس آر آئی کے طور پر خدمات انجام دے رہے ہیں ۔ ذرائع کے مطابق حکومت کی طرف سے چیئرمین پی اے آر سی کے عہدے کا عبوری چارج سونپے جانے کا نوٹیفکیشن پیر کو جاری کئے جانے کا امکان ہے ۔
