اسلام آباد،وفاقی ترقیاتی ادارے (سی ڈی اے ) کا اسلام آباد کے علاقے بری امام میں قبضہ مافیا کے خلاف گرینڈ آپریشن، آپریشن کے دوران درجنوں غیر قانونی تعمیرات مسمار کرتے ہوئے سرکاری اراضی واگزار کروا لی گئی۔
تفصیلات کے مطابق چیئرمین سی ڈی اے کی خصوصی ہدایت پر سی ڈی اے کے انفورسمنٹ ڈائریکٹوریٹ نے ہفتہ کو تعطیل کے باوجود بری امام کے علاقے محلہ لس اور روملی میں قبضہ مافیا کے خلاف بھر پور کارروائی کی۔ اس خصوصی آپریشن کے نتیجے میں سرکاری اراضی پر قبضہ کرنے کی غرض سے نئی تعمیر ہونے والی 15 عدد کمرے اور متعدد چار دیواریاں بھاری مشینری کی مدد سے مسمار کر دی۔اس موقع پر ضلعی انتظامیہ کا علاقہ مجسٹریٹ اور اسلام پولیس کی نفری بھی سی ڈی اے عملے کی معاونت کے لیے موجود رہی۔
