اسلام آباد (سب نیوز )متحدہ قومی موومنٹ (ایم کیو ایم) پاکستان نے مطالبات تسلیم ہونے تک وفاقی کابینہ کا حصہ نہ بننیکا فیصلہ کیا ہے۔ذرائع کے مطابق ایم کیوایم نے مسلم لیگ ن کو اپنے فیصلے سے آگاہ کردیا ہے۔
ذرائع کا کہنا ہیکہ مسلم لیگ ن ایم کیوایم کو صرف ایک وزارت دینیکے لیے تیار ہے جب کہ ایم کیو ایم 4 وزارتوں کا مطالبہ کر رہی ہے۔ذرائع کے مطابق ایم کیو ایم نے ن لیگ سے مطالبہ کیا ہیکہ گورنر سندھ ایم کیوایم سے ہونا چاہیے۔
اس حوالے سے ذرائع مسلم لیگ ن نے کہا ہے کہ ایم کیوایم کے ساتھ معاملات کا حل نکال لیں گے ، ایم کیو ایم کے ساتھ بات چیت جاری ہے۔ ذرائع نے بتایا ہے کہ ایم کیوایم اسپیکرقومی اسمبلی اور وزیراعظم کے انتخاب میں ووٹ دینے کے لیے تیار ہے تاہم ایم کیوایم چیئرمین سینیٹ اور صدر کے انتخاب میں ووٹ دینے پر آمادہ نہیں۔
