اسلام آباد:پاکستان کے مزید 6 اضلاع کے ماحولیاتی نمونوں میں پولیو وائرس کی تصدیق ہوئی ہے۔ ترجمان وزارت صحت کے مطابق کراچی سے 4 اور چمن سے 2 نمونوں میں پولیو وائرس ملا ہے، پشاور،کوہاٹ اور نوشہرہ سے ایک ایک نمونے میں پولیو وائرس ملا۔ترجمان وزارت صحت کا کہنا ہیکہ پولیو وائرس افغانستان میں وائی بی 2 اے وائرس کلسٹر سے تعلق رکھتا ہے۔
نگران وفاقی وزیر صحت ڈاکٹر ندیم جان کا کہنا ہے کہ پولیو وائرس کی موجودگی سے ہر بچیکو خطرہ ہے،5 سال سے کم عمر کے بچوں کو یہ وائرس عمر بھر کے لیے معذور بناسکتا ہے، پولیو کا کوئی علاج نہیں، صرف ویکسین ہی بچوں کو تحفظ فراہم کرتی ہے۔ڈاکٹر ندیم جان نے والدین سے اپیل کی کہ اپنے گھر آنے والے پولیو ورکرکا خیر مقدم کریں، اپنے بچوں کو زندگی بھر کی معذوری سے بچانے کے لیے پولیو کے قطرے ضرور پلایں۔ نگران وفاقی وزیر صحت کا کہنا تھا کہ پاکستان میں پولیو سرویلینس کا نظام مثرکام کر رہا ہے، حکومت پولیو کے خاتمیکے لیے مربوط بنیادوں پر اقدامات کو یقینی بنا رہی ہے۔
