پاکستان پیپلز پارٹی کے شریک چیئر مین اور سابق صدر آصف علی زرداری نے کہا ہے کہ خواہش ہے بلاول بھٹو وزیراعظم پاکستان بنے۔ نوابشاہ میں بلدیاتی نمائندوں سے گفتگو کرتے ہوئے سابق صدر نے کہا کہ میری خواہش ہے کہ بلاول وزیراعظم پاکستان بنے، اپنی زندگی میں بلاول کو وزیراعظم دیکھنا چاہتا ہوں، ملک بچانے کیلئے عمران خان کو نکالا۔ پیپلزپارٹی موجودہ حکومت کی اتحادی ہے، پیپلزپارٹی کی حکومت آئی تولوگوں کوروزگارفراہم کریں گے۔
انہوں نے کہا کہ شہیدبینظیرآباد میں ترقیاتی کاموں کا آغاز ہو گیا،طوفانی بارشوں میں ہم نے متاثرین کی ہر ممکن مدد کی، میں نے آپ کے لیے بہت کچھ کیا، آپ میریوالد کے بعد میرے ساتھ رہے، اب آپ بلاول اور آصفہ کا بھی ساتھ دینا، میرا دل کرتا ہے میں آپ سب سے ملوں۔ باری باری سب کے گھر نہیں جا سکتا اس لیےآپ کو بلوایا۔ آصف زرداری نے کہا کہ آپس میں اتحاد اوراتفاق قام رکھیں، آنے والی نسل کے لے کام کریں اور محنت کریں۔
