وفاقی حکومت نے یوکرین کو انسانی بنیادوں پر امداد دینے کی منظوری دے دی، کابینہ نے سرکولیشن سمری کے ذریعے امداد کی منظوری دی۔
ذرائع کا کہنا ہے کہ این ڈی ایم اے نے یوکرین کی انسانی بنیادوں پر امداد کی سمری بھجوائی تھی، این ڈی ایم اے نے 100 ٹینٹ، 500 کمبل، 500 بستر امداد کی سمری بھجوائی تھی۔ جنریٹرز، صابن، ہینڈ واش اور سینی ٹائزر فراہم کرنے کی بھی سمری بھجوائی گئی۔
سمری میں کہا گیا کہ یوکرین نے انسانی بنیادوں پر این ڈی ایم اے اور وزارت خارجہ سے امداد کی درخواست کی، وزارت خارجہ نے یوکرین کی امداد کرنے کی حمایت کردی۔سمری کے مطابق حکومت کا دونوں ملکوں کے درمیان تنازع پر واضح موقف ہے۔
ذرائع کا کہنا ہے کہ یوکرین کو امدادی سامان سی 130 جہاز کے ذریعے بھجوانے کی منظوی دی گئی، دوسرے مرحلے میں میڈیسن اور کھانے پینے کی اشیا یوکرین کو بھجوائی جائیں گی۔این ڈی ایم اے کا کہنا ہے کہ روس یوکرین جنگ میں 15 لاکھ افراد نے ہجرت کی۔
وفاقی حکومت کی یوکرین کو انسانی بنیادوں پرامداد دینے کی منظوری
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔